रैनादेवी छहराको सुन्दरेढुङ्गा–जुठापौवा–सालझण्डी सडकखण्डको निर्माण तथा स्तरोन्नति कार्य तीव्र
भुवन रायमाझी
पाल्पाको रैनादेवी छहरा गाउँपालिकाअन्तर्गत पर्ने सुन्दरेढुङ्गा–जुठापौवा–सालझण्डी सडकखण्डको निर्माण तथा स्तरोन्नति कार्य तीव्र रूपमा अघि बढेको छ। सडक स्तरोन्नति कार्यअन्तर्गत हालै प्राइम छर्ने कार्यको गाउँपालिकाले अनुगमन गरेको छ।
पहाड र तराईको दूरी छोट्याउने महत्त्वपूर्ण आयोजनाका रूपमा रहेको सुन्दरेढुङ्गा–जुठापौवा–सालझण्डी सडकखण्डको करिब ११ सय मिटर क्षेत्रमा प्राइम छर्ने कार्य सकिएपछि त्यसको स्थलगत अनुगमन गरिएको हो। सडक निर्माण तथा स्तरोन्नति भएसँगै बाह्रै महिना सदरमुकाम तानसेन र बुटवल आवतजावत गर्न त्यस क्षेत्रका नागरिकलाई ठूलो सहजता पुग्ने गाउँपालिकाले जनाएको छ। गाउँपालिकाका अध्यक्ष रुक्माङ्गत भट्टराईले यस सडकलाई गाउँपालिकाको गौरवको आयोजनाका रूपमा हेरिएको बताउनुभयो।
यो सडक पूर्ण रूपमा सञ्चालनमा आएपछि पाल्पाका साथै गुल्मी, अर्घाखाँची र रूपन्देही जिल्लालाई आपसमा जोड्न तथा दूरी छोट्याउन महत्त्वपूर्ण योगदान पुग्ने उहाँको भनाइ छ। सडक निर्माणसँगै स्थानीय उत्पादनको बजारीकरण र आर्थिक गतिविधिमा समेत वृद्धि हुने अपेक्षा गाउँपालिकाले लिएको छ।अनुगमनमा गाउँपालिका उपाध्यक्ष युवराज थापा, प्रमुख प्रशासकीय अधिकृत श्यामशरण गैह्रे, प्राविधिक प्रमुख एन्जिला राना, अन्य शाखाका कर्मचारी तथा जनप्रतिनिधिहरूको सहभागिता रहेको थियो।
मुझुङ्गको ऐतिहासिक सरायँ नाच, तथा कालिका पूर्णिमा मेलाको सांस्कृतिक कार्यक्रम सम्पन्न
भुवन रायमाझी पाल्पाको रैनादेवी छहरा गाउँपालिका–५, मुझुङ्गमा ऐतिहासिक तथा परम्परागत सरायँ नाचसँगै मुझुङ्ग कालिका पूर्णिमा मेला तथा
भुवनपोखरीमा अटो दुर्घटना चालकसहित ६ जना घाइते, एकको अवस्था गम्भीर
भुवन रायमाझी पाल्पा रैनादेवीछहरा गाउँपालिका ३, बल्घा स्थित भित्री कच्ची सडक खण्डमा लुप्र ०१००१ ह २४४४ नम्बरको अटो दुर्घटना हुँदा चालकसहित ६ जना
रैनादेवी छहरा ७, बल्ढेङ्गगढीस्थित कालिका थान मन्दिरमा वर्षौँदेखि रोकिएको सराय नाच पुनः सञ्चालन हुने
भुवन रायमाझी पाल्पाको रैनादेवी छहरा गाउँपालिका–७, बल्ढेङ्गगढीस्थित कालिका थान मन्दिरमा वर्षौँदेखि रोकिएको दसैँको पञ्चमीमा लाग्ने परम्परागत
प्रतिकृया दिनुहोस